श्री साईबाबा चरणी तेलंगाना येथील श्रीमती सी.एच भाग्यलक्ष्मी या साईभक्ताने 17 लाख 73 हजार हजार रुपये किंमतीचा सुवर्ण मुकुट केला अर्पण!या आठवड्यात दुसरा सुवर्ण मुकुट संस्थांनला देणगी स्वरूपात प्राप्त!
शिर्डी (प्रतिनिधी) शिर्डीच्या
श्री साईबाबांवर देश विदेशातील लाखो भाविकांची श्रद्धा आहे. भाविक साईबाबांच्या झोळीत भरभरून दान देत असतात. आज गुरुवार दिनांक २६ सप्टेंबर २०२४ रोजी नलगोंडा, तेलंगाणा येथील श्रीमती सी. एच. भाग्यलक्ष्मी या साईभक्ताने साईचरणी २५८ ग्रॅम वजनाचा आकर्षक नक्षीकाम केलेला सुवर्ण मुकुट अर्पण केला असल्याची माहिती श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांनी दिली. या मुकूटाची किंमत १७ लाख ७३ हजार ७५० रुपये असून हा सुंदर नक्षिकाम असलेला सुवर्ण मुकुट साईबाबांच्या चरणी अर्पण करुन श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांच्याकडे सुपुर्द करण्यात आला.
त्यानंतर श्री साईबाबा संस्थानच्या वतीने संस्थानचे मुख्य कार्यकारी अधिकारी गोरक्ष गाडीलकर यांनी देणगीदार साईभक्त श्रीमती सी एच भाग्यलक्ष्मी यांचा शाल व श्री साईबाबांची मुर्ती देवून सत्कार केला. यावेळी जनसंपर्क अधिकारी तुषार शेळके उपस्थित होते. श्री साईबाबांच्या चरणी एका दानशूर साई भक्तांनी 22 सप्टेंबर 2024 रोजी असाच एक बारा लाख 70 हजार रुपये किमतीचा सुवर्ण हिरेजडित मुकुट श्री साई चरणी अर्पण केला होता. व आज गुरुवारी 26 सप्टेंबर 2024 रोजी हा 17 लाख 73 हजार 750 रुपये किंमतीचा सुंदर नक्षीकाम केलेला सुवर्ण मुकुट साईबाबा चरणी अर्पण झालाआहे.
