पिसळलेल्या कुत्र्याचा टाकळीभान येथे घेतला अनेकांना चावा.

टाकळीभान( प्रतिनिधी )

टाकळीभान येथील महादेव मंदिर परिसरात पिसाळलेल्या कुत्र्याचा संचार असून चार-पाच जणांना त्याने चावा घेतला आहे.

त्यामुळे नागरिक व शालेय विद्यार्थ्यांमध्ये घबराटीचे वातावरण पसरले आहे. महादेव मंदिर परिसरात या पिसाळलेल्या कुत्र्याचा संचार असून लक्ष्मीवाडी परिसर व गावामध्ये ते फिरत आहे. सध्या श्रावण महिना सुरू झाल्याने महादेव मंदिर परिसरात भाविकांची दर्शनासाठी गर्दी असते. तरी याबाबत शालेय विद्यार्थी व नागरिक, महादेव मंदिर येथे येणाऱ्या भाविकांनी सावधानता बाळगावी व या पिसाळलेल्या कुत्र्यापासून सावधान राहावे असे आवाहन ग्रामस्थांच्या वतीने करण्यात आले आहे.